RUTAMU nyuma yo gutangarira Kigali Arena yagize icyo avuga yabwira President

RUTAMU nyuma yo gutangarira Kigali Arena yagize icyo avuga yabwira President


Rutamu Elie Joe wamenyekanye mu kogeza imipira nyuma yo gukora ubukwe yagarutse mu Rwanda icyakora agaruka bucece.

Mu inkuru dukesha Inyarwanda.com nuko uyu musore kuri ubu ari hano mu gihugu cy’Urwanda.

Mu kiganiro bagiranye kuri telefone ye igendanwa Rutamu Elie Joe yadutangarije ko ari ibyishimo kuri we kongera kugaruka mu Rwanda, aha akaba ariho yahise atangaza ko yatunguwe kandi yashimishijwe no kubona Kigali Arena amaso ku yandi. Yagize ati

” Ngize amahirwe yo guhura na Perezida wa Repubulika namushimira cyane iriya nyubako nziza yubakiye abanyarwanda ihesha ishema igihugu cyacu.”

Rutamu Elie Joe uhamya ko ari mu Rwanda muri iyi minsi yabajijwe niba yaba agiye kongera gusubira kuri Radio1 aho yakoraga ikiganiro cy’imikino. Mu gusubiza umunyamakuru yahakanye aratsemba atangaza ko yasezeye itangazamakuru.

Yagize ati

“Erega ikibazo ni uko abantu batizera ibyo umuntu aba yavuze, njye narasezeye gusa hagize umuntu umpa akazi karyoshye narisubiramo.” Yunzemo ati” Abakinnyi b’umupira barasezera ariko hari igihe iyo babonye ubaha agatubutse bagaruka, nanjye rero mbonye umpa agatubutse nubwo nasezeye nagaruka da. Gusa sinonaha kuko si byo njemo.”

Rutamu Elie Joe abajijwe niba yaba ari mu Rwanda n’umuryango we ndetse n’igihe azahamara yavuze ko atigeze akunda kuvuga ku muryango we bityo ko adakunda gusubiza ibijyanye n’umuryango we. Yatangaje ko we ari i Kigali nubwo atahamya ko ariho agiye kuba ari cyane ko azagenda agira ingendo zinyuranye. Yongeyeho ko nubwo abantu batazamwumva kuri radiyo ariko hari ibindi bintu ahugiyemo ku buryo mu minsi mike bazamenya ibyo arimo.


Written by Remmy Rukundo



Leave a Reply

Your email address will not be published. Required fields are marked *